តួនាទីរបស់បណ្ណារក្ស
- ដូចម្ដេចដែលហៅបណ្ណារក្ស?
- បណ្ណារក្សគឺជាមនុស្សម្នាក់ដែលធ្វើការប្រកបដោយវិជ្ជាជីវៈនៅក្នុងបណ្ណាល័យ។
- ជាអ្នកផ្ដល់នូវសិទ្ធិដល់អ្នកអានក្នុងការទទួលបាននូវព័ត៌មាន ជួយកម្មវិធីសង្គម ឬបច្ចេកទេសផ្សេងៗដល់អ្នកប្រើប្រាស់។
- លើសពីនេះទៅទៀត បណ្ណារក្សជាអ្នកផ្ដល់ការណែនាំស្ដីពីចំណេះដឹងផ្នែកព័ត៌មានដល់អ្នកប្រើប្រាស់។
- រៀបចំចងក្រង គ្រប់គ្រងឯកសារនៅក្នុងបណ្ណាល័យ
- ជាអ្នកបម្រើសេវាកម្មបណ្ណាល័យ
- ជាអ្នកសម្របសម្រួលសកម្មភាពផ្សេងៗរបស់បណ្ណាល័យ
- ជាអ្នកផ្សារភ្ជាប់រវាងសៀវភៅនិងមនុស្ស(អ្នកអាន)
- ជាអ្នកដែលមានចំណេះដឹងច្រើនដែលទទួលបានពីការអានសៀវភៅដ៏ច្រើនជាងគេ។
អាកប្បកិរិយារបស់បណ្ណារក្ស
- បណ្ណារក្សចាំបាច់ត្រូវមានអាកប្បកិរិយាវិជ្ជមាន
- ជាមនុស្សមានឧស្សាហ៍ព្យាយាម
- ស្រឡាញ់ចូលចិត្តការងារ
- មានទំនាក់ទំនងល្អជាមួយមជ្ឈដ្ឋានជុំវិញខ្លួន
- មានភាពម្ចាស់ការទទួលខុសត្រូវលើការអនុវត្តការងារ
- ជានិច្ចកាលបង្កើននូវចំណេះដឹង សមត្ថភាព និងជំនាញបន្ថែម
- បន្ថែមលើចំណុចខាងលើ បណ្ណារក្សក៏ត្រូវចេះពីរបៀបរៀបចំ និងបង្ហាញពីរបៀបប្រើប្រាស់បណ្ណាល័យដល់សិស្ស និងគ្រូ។ល។
- ផ្សព្វផ្សាយព័ត៌មានពីបណ្ណាល័យ៖
- ផលប្រយោជន៍នៃការអាន
- ព័ត៌មានផ្សេងៗពីបណ្ណាល័យរួមមានៈ ធនធានឯកសារ សម្ភារៈបរិក្ខា ដែលអ្នកមានសិទ្ធិប្រើប្រាស់ ច្បាប់ផ្ទៃក្នុងរបស់បណ្ណាល័យ និងព័ត៌មានផ្សេងៗដែលទាក់ទងទៅនឹងបណ្ណាល័យ។
- រាយការណ៍ពីការលំបាករបស់បណ្ណាល័យដែឡកំពុងជួបប្រទះ ការងារបច្ចេកទេស កង្វះខាតឯកសារ តម្រូវការការឧបត្ថម្ភគាំទ្រ និងការសហការពីថ្នាក់ដឹកនាំសាលា គ្រូ សិស្ស សហគមន៍ អង្គការជាតិ និងអន្តរជាតិជាដើម។ល។
- តម្រូវការជួសជុលសម្ភារៈបរិក្ខា ឯកសារ បន្ទប់ឬអាគាររបស់បណ្ណាល័យ។
- ការអនុវត្តការងារបណ្ណាល័យ
- ការទទួលភ្ញៀវ និងការឆ្លើយតបរាល់សំណួរផ្សេងៗ រួមមានការផ្ដល់ឳកាសឱ្យនូវមធ្យោបាយនានាដលអ្នកអាន និងជួយស្វែងរកព័ត៌មានដែលពួកគេត្រូវការ។ បណ្ណារក្សក៏មានតួនាទីជំរុញពួកគេ(សិស្ស)ឱ្យមានទម្លាប់ក្នុងការអាន។
- បង្រៀនឬប្រាប់អ្នកអានពីវិធីសាស្ត្រស្វែងរកឯកសារតាមធ្នើរ និងពីរបៀបប្រើប្រាស់ឯកសារ។
- បណ្ណារក្សត្រូវធ្វើអ្វីៗគ្រប់យ៉ាង ដើម្បីឱ្យអ្វីៗក្នុងបណ្ណាល័យអាចជាមធ្យោបាយក្នុងការជួយសម្រួលដលសិស្ស និងគ្រូ។
- ការបម្រើសេវាកម្មមាន ការអាន ខ្ចី-សង ការរៀបចំកាលវិភាគសម្រាប់ការចូលអានតាមថ្នាក់ និងការសម្របសម្រួលជាមួយគ្រូសិស្ស។
- ការជួសជុលឯកសារក៏ជាការចាំបាច់បំផុតដែលបណ្ណារក្សត្រូវយកចិត្តទុកដើម្បីរក្សាឯកសារនិងសម្ភារៈទាំងអស់ឱ្យប្រើប្រាស់បានយូរ។
- សកម្មភាពផ្សេងដូចជា៖ ការតាំសៀវភៅដែលមកដល់ថ្មីៗដល់សិស្ស
- ការដាក់បង្ហាញនូវរូបភាពឬសៀវភៅដែលជាស្នាដៃសិស្សដើម្បីចូលរួមប្រឡងប្រណាំងស្នាដៃសិស្ស ឬលទ្ធផលថ្មីៗដែលពួកគេបានឧបត្ថម្ភដល់បណ្ណាល័យ។ល។
No comments:
Post a Comment